Xalq deputatlari Zarbdor tuman Kengashiga 8-Oybek saylov okrugidan saylangan deputat D.Ochilova tomonidan tuman hududidagi 11-sonli bolalar musiqa va san’at maktabi faoliyati hamda binoning holati o‘rganildi.
O‘rganish jarayonida muassasada o‘quvchilarga yaratilgan sharoitlar, musiqa va san’at yo‘nalishlarida olib borilayotgan ta’lim jarayoni, to‘garaklar faoliyati hamda o‘quvchilarni iqtidorini rivojlantirish borasidagi ishlar bilan yaqindan tanishildi.
Shuningdek, binoning texnik holati, mavjud infratuzilma, o‘quv xonalarining jihozlanganlik darajasi hamda ularni yanada yaxshilash masalalariga alohida e’tibor qaratildi.
Mazkur o‘rganishlar yoshlarning ijodiy salohiyatini rivojlantirish, ularni san’atga qiziqishini oshirish hamda ta’lim sifatini yanada yaxshilashga xizmat qilishi ta’kidlandi.