Xalq deputatlari Xo‘jaobod tuman Kengashiga 7-So‘qaloq saylov okrugidan saylangan deputat Mamataliyev Abdurashid Akyulovich tashabbusi bilan Yuksalish mahallasida muhim va amaliy ahamiyatga ega yangilik joriy etildi. Kengash kotibiyati mutaxassislari tomonidan deputat faoliyatini o‘rganish jarayonida mazkur hududda amalga oshirilgan ishlar bilan yaqindan tanishildi. Hududda tozalik va obodonchilikni ta’minlash maqsadida ko‘chalarga chiqindilarni tashlash uchun maxsus qutilar o‘rnatildi. Мazkur tashabbus natijasida mahallada chiqindilarni tartibli yig‘ish va olib chiqish tizimi yo‘lga qo‘yilib, ko‘chalar tozaligi va obodonligi sezilarli darajada oshishi kutilmoqda. Eng muhimi, fuqarolarning ekologik madaniyatini yuksaltirish, tozalikka bo‘lgan mas’uliyatini kuchaytirishda ham bu tashabbus muhim ahamiyat kasb etadi. Bunday ezgu va amaliy tashabbuslar mahallalarni yanada obod, toza va yashash uchun qulay maskanga aylantirishda muhim qadam bo‘lib xizmat qiladi.