Xalq deputatlari Muzrabot tumani Kengashiga 13-Shabada okrugidan saylangan deputat Muxammadiyeva Barchin Hazratqulovna tumandagi “Yo‘lchi” mahalsida bo‘lib, mahalla yettiligi faoliyati bilan yaqindan tanishdi.

“Mahalla yettiligi” xodimlari tomonidan amalga oshirilayotgan faoliyati tahlil qilindi. Aholi bilan ishlash mexanizmlari, murojaatlarni qabul qilish tartibi, muammolarni manzilli hal etish bo‘yicha olib borilayotgan ishlar atroflicha ko‘zdan kechirildi.

O‘rganish jarayonida mahalla yettiligi tomonidan yuritilayotgan hujjatlar, reja-jadvallar va ijro intizomi ham tahlil qilinib, faoliyat samaradorligini oshirish yuzasidan amaliy tavsiyalar berildi. Ayrim masalalar bo‘yicha joyida tushuntirishlar berilib, kamchiliklarni bartaraf etish yuzasidan aniq vazifalar belgilandi.

Mahalla yettiligi bilan fuqarolar tomonidan qilingan murojaatlardagi muammolar bo‘yicha ham joyiga borgan holda o‘rganildi. Masalalarni hal etilishi yuzasidan deputatlik so‘rovlarini tashkilotlarga jo‘natish bo‘yicha vazifa belgilab olindi.

Uchrashuv davomida muloqot o‘tkazilib, mahalla yettiligi a’zolarining ish jarayonida uchrayotgan muammolari tinglandi.