Shavkat Mirziyoyev tashabbusi bilan muborak Ramazon oyini munosib o‘tkazish, xayr-saxovat tadbirlarini kengaytirish, aholini ijtimoiy qo‘llab-quvvatlash hamda kam ta’minlangan oilalarga manzilli yordam ko‘rsatish borasida mamlakatimizda keng ko‘lamli ishlar amalga oshirilmoqda. 

    Mazkur ezgu tashabbuslar doirasida Xalq deputatlari Sho‘rchi tumani Kengashi deputati, tuman hokimi Ishmurzoyev Akbarali Abdujabbarovich boshchiligida tumanda ham tizimli va samarali ishlar yo‘lga qo‘yilgan. 

    Xususan, Ramazon oyida ijtimoiy himoyaga muhtoj, kam ta’minlangan va ehtiyojmand oilalar holidan xabar olinib, ularga oziq-ovqat mahsulotlari va zaruriy kundalik iste’mol tovarlari yetkazib berilmoqda. Shuningdek, nuroniylar, yolg‘iz keksalar hamda nogironligi bo‘lgan fuqarolar bilan uchrashuvlar tashkil etilib, ularning muammolari o‘rganilmoqda va amaliy yordam ko‘rsatilmoqda. 

    Tuman rahbari boshchiligida sektorlar, mutasaddi tashkilotlar va jamoatchilik vakillari hamkorligida manzilli yordam ko‘rsatish tizimi yo‘lga qo‘yilgan bo‘lib, har bir murojaat e’tibor markazida turibdi. Bu esa Ramazon oyining insonparvarlik, mehr-oqibat va saxovat kabi ezgu qadriyatlarini yanada mustahkamlashga xizmat qilmoqda. 

    Sho‘rchi tumanida amalga oshirilayotgan bunday xayrli tadbirlar aholi tomonidan mamnuniyat bilan kutib olinmoqda. Ezgulik va saxovat oyida amalga oshirilayotgan bu sa’y-harakatlar jamiyatda hamjihatlik va birdamlik muhitini mustahkamlashga xizmat qilmoqda.