Xalq deputatlari Muzrabot tumani Kengashiga 4-Ko‘chkak saylov okrugidan saylangan deputat K.Sh.Turdiqulov joriy yilning 2-yarim yilligi uchun tasdiqlangan grafikga asosan saylovchilar bilan uchrashuv yig‘ilishini o‘tkazdi.

Yig‘ilish avvalida ishtirokchilariga hozirgi kunda davlatimizda amalga oshirilayotgan islohotlar, yangiliklar imtiyozlar, imkoniyatlar, qabul qilingan qonun xujjatlarining mazmun-mohiyati va prezidentimiz tomonidan sohaviy yo‘nalishlar bo‘yicha o‘tkazilgan videoselektor yig‘ilishlari, chet el mamlakatlariga qilgan tashriflari maqsadlari to‘g‘risida tushuntirib, ma’lumotlar berdi.

Uchrashuv davomida “Bodomzor” mahalla fuqarolar yig‘inida yashovchi fuqarolari qiynab kelayotgan muammo, takliflari va o‘zlarini qiziqtirgan savollariga tumandagi mutasaddi tashkilotlar tomonidan belgilangan tartibda batafsil javoblar olishdi. Yig‘ilish yakunida mahalla fuqarolari murojaatlarining ijrosini ta’minlash maqsadida tegishliligi bo‘yicha tashkilotlarga deputatlik so‘rovlari yuborilishi va ijrosi yuzasidan tuman Kengashi deputati nazorat qilishligi belgilab olindi.