Xalq deputatlari Chinoz tumani Kengashi deputati Olimjon Dadajonov “Madaniyat” mahallasidagi bolalar musiqa maktabi faoliyatini o‘rganib chiqdi.

O‘rganish jarayonida ta’lim muassasasining moddiy-texnik bazasi, o‘quv xonalari, musiqa asboblarining holati, o‘quvchilarga yaratilgan sharoitlar hamda pedagoglarning ish jarayoni batafsil ko‘zdan kechirildi.

Shuningdek, ta’lim sifatini oshirish, o‘quv dasturlarini takomillashtirish va yoshlarning ijodiy qobiliyatini rivojlantirishga qaratilgan takliflar muhokama qilindi.

Aniqlangan masalalar yuzasidan tegishli tavsiyalar ishlab chiqilib, ularni hal etish bo‘yicha mas’ul tashkilotlarga topshiriqlar berildi.