🗓 2025-yil 15-oktyabr kuni, Oltinsoy tumani “22-Mingchinor” saylov okrugidan saylangan Xalq deputatlari Oltinsoy tuman Kengashi deputati Turdiyev Akrom Abdimuratovich boshchiligida “Tog‘ay Murod” mahallasida navbatdagi uchrashuv va hududiy monitoring ishlari amalga oshirildi. 

👥 Uchrashuv davomida: 

· Mahallada olib borilayotgan obodlashtirish ishlari; 

· Aholi uchun yaratilayotgan qulay yashash sharoitlari; 

· Ichimlik suvi tarmoqlarini tortish va elektr beton ustunlarni o‘rnatish holati; 

· Qurilish ishlari va infratuzilma yangilanishi loyiha talablariga muvofiqligi jihatidan o‘rganildi. 

📍 Faoliyatlar joyiga chiqib, deputat hamda mahalla faollari ishtirokida ish sifati, muddatlarga rioya etilishi, texnik xavfsizlik va qurilish standartlarining bajarilishi yuzasidan amaliy monitoring olib borildi. 

💬 Shuningdek, aholi vakillari bilan ochiq muloqot o‘tkazilib, fuqarolarning mavjud muammolari, takliflari va ehtiyojlari tinglandi. Ayrim masalalar
bo‘yicha mas’ul tashkilotlarga aniq topshiriqlar berildi. 

📈 Ushbu tashrif va monitoring ishlari “Tog‘ay Murod” mahallasida ijtimoiy-iqtisodiy rivojlanish, hududiy muammolarni joyida hal etish va davlat dasturlarining samarali ijrosini ta’minlashga xizmat qilmoqda. 

  Oltinsoy tumani Kengash Kotibiyati Axborot xizmati