Piskent tumanida xalq deputatlari Kengashining yettinchi chaqiriq navbatdagi o‘n oltinchi sessiyasi bo‘lib o‘tdi. Sessiyada xalq deputatlari, tuman hokimining tegishli o‘rinbosarlari, tashkilot rahbarlari hamda ommaviy axborot vositalari vakillari ishtirok etdilar. Kun tartibiga kiritilgan masalalar yuzasidan tegishli rahbarlarning hisobotlari tinglandi. Jumladan:

Tuman hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari B. Rashidov madaniyat muassasalari holati, sport infratuzilmasi va ommaviy dam olish maskanlari haqida axborot berdi.

Tuman iqtisodiyot va moliya bo‘limi boshlig‘i o‘rinbosari B. Julbarisov mahalliy budjet ijrosi, hududlarni ijtimoiy-iqtisodiy rivojlantirishga qaratilgan “g‘olib” loyihalarni moliyalashtirish va kiritilgan o‘zgarishlar yuzasidan ma’ruza qildi. Piskent tuman ekologiya va atrof-muhitni muhofaza qilish bo‘limi boshlig‘i Sh. Ubaydullaev sanitariya holati va chiqindilarni o‘z vaqtida olib chiqib ketilishi bo‘yicha amalga oshirilgan ishlarga to‘xtaldi.