Bugun
Xalq deputatlari Farg‘ona tuman Kengashining navbatdagi doimiy komissiyasi yig‘ilishi
bo‘lib o‘tdi. 

Bugun Xalq deputatlari
Farg‘ona tuman Kengashi kotibiyatida Xalq deputatlari Farg‘ona tuman Kengashi huzuridagi
“Reglament va deputatlik odob-ahloqi masalalari bo‘yicha” doimiy komissiyaning
navbatdagi yig‘ilishi bo‘lib o‘tdi. 

Yig‘ilishda tuman
Kengashi deputatlari, kotibiyat mutasaddilari hamda taklif etilgan mehmonlar ishtirok
etdilar. Komissiya raisi I.Abduraxmonov yig‘ilishni ochar ekan, deputatlik mas’uliyati
va odob-ahloqi har bir xalq vakili uchun nainki xizmat burchi, balki Vatan va xalq
oldidagi muqaddas qasam ekanini alohida ta’kidladi. 

Komissiya raisi
kun tartibidagi masala bilan tanishtirib, tegishli qarorlar tasdiqlandi. 

Muhokamalar jarayonida
deputatlik faoliyatida har bir qadam qonun ustuvorligi, xalq dardiga hamdardlik
va yuksak madaniyat bilan hamohang bo‘lishi shartligi qayd etildi. Chunki deputat
– bu xalqning ishonchli vakili, uning so‘zida haqiqat, amalida adolat, munosabatida
esa samimiyat mujassam bo‘lishi lozim. 

Shu boisdan, bugungi
yig‘ilish nafaqat kun tartibidagi masalalar muhokamasi, balki deputatlik burchi
va mas’uliyatini yana bir bor chuqur his etishga xizmat qildi. 

Albatta, xalq dardini
eshitib, uni o‘z dardi deb qabul qiladigan, qonun talablariga qat’iy rioya etadigan
va yuksak odob-ahloqi bilan atrofdagilarga o‘rnak bo‘ladigan deputatlarimiz yurtimiz
taraqqiyotining poydevori, xalq ishonchining eng katta tayanchi hisoblanadi.