Xalq deputatlari Samarqand viloyatidagi 4-Mustaqillik saylov okrugidan saylangan deputat Shoxruh Qudratov Samarqand shahar “Chashma”mahallasida bo‘lib, mahalladagi olib borilayotgan ishlar bilan tanishdi.

Bugungi kunda  mahallada aholi soni 1957 ta, xonodonlar soni esa 280 tani tashkil qiladi. 

Uchrashuv davomida Chashma mahallasi fuqarosi Davlat Mansurov nogironligini inobatga olib, qayta tekshiruvlar orqali guruh darajasini o‘zgartirishda amaliy yordam so‘radi.

Mazkur mahalladagi 7 ta ko‘chaning  sim yog‘och ustunlarni biton ustunlarga almashtirishda va Termiziy ko‘chasi 138 uyda yashovchi Sharofat Rofiyeva ko‘krak sarotoni bo‘yicha jarrohlik operatsiyasini o‘tkazib, hozirda protez qo‘yishda yordam berilishi so‘ralgan.

Shuningdek, Mavluda Saidovaning qulog‘i eshitmasligi qayd etilib, eshitish moslamasini olishda amaliy yordam so‘ragan.

Ushbu ko‘tarilgan masalalar yuzasidan deputat tomonidan mutasaddi tashkilotlarga deputatlik so‘rovlari chiqarilib nazoratga olinadigan bo‘ldi.