O‘zLiDeP viloyat Kengashi raisi, viloyat Kengashi deputati Ilhom Botirovning saylovchilar bilan muloqotlari ochiq va samimiy ruhda o‘tdi.

Deputat hududdagi Z.Bobur mahalla fuqarolar yig‘inida bo‘lib, bu yerda faoliyat olib borayotgan yoshlar yetakchisi, hokim yordamchisi xotin-qizlar faoli bilan yaqindan muloqot qildi.

Oqdaryo tumani Z.Bobur mahalla fuqarolar yig‘inidagi Moyqovoq, Jag‘altoy, Mullaqo‘rg‘on, Qiyqim, Qoratut, Mang‘itovul, Jarboshi, Chambil qishloqlari aholisi uchun tashkil etilgan mazkur sayyor qabulda fuqarolar tomonidan 10 dan ortiq muammoli masalalar qayd etildi.

Uchrashuv davomida mamlakatimizda amalga oshirilayotgan keng ko‘lamli islohotlar, yangi qabul qilinayotgan qonunlar, Prezident Farmon va qarorlarining mazmun-mohiyati tushuntirildi. Saylovchilarni o‘ylantirib kelayotgan bir qator masalalarga tegishli idoralar vakillari bilan birgalikda yechim topildi.