Xalıq deputatları Bozataw rayonlıq Keńesi 6-“Andjan” saylaw okrugi (ÓzXDP) saylanǵan deputat Sh.Berdaxov hám 3-“Mádeniyat” saylaw okruginen (ÓzXDP) saylanǵan deputat G.Yusupovalar tárepinen jaslar menen gezektegi ushırasıw ótkerildi. 

Ushırasıw dawamında elimizdiń social-ekonomikalıq rawajlanıwında jaslardıń ornı, olardı qollap-quwatlaw boyınsha ámelge asırılıp atırǵan baǵdarlamalar hám jaslar ushın
jaratılıp atırǵan múmkinshilikler haqqında keń túrde sóz alıp barıldı. 

Sonday-aq, jaslardı qızıqtırǵan máseleler tıńlanıp, olardıń pikir-usınısları hám múrájatlarına ayrıqsha itibar qaratıldı. Jaslar tárepinen bilim alıw, jumıs penen támiyinleniw, kásip úyreniw, sport hám bos waqıttı mazmunlı ótkeriwge baylanıslı bir qatar usınıslar bildirildi. 

Deputatlar jaslar menen ashıq sáwbetlesiwler alıp barıp, olardıń belsendiligin arttırıw, jámiyetlik turmıstaǵı qatnasıwın keńeytiw hám watanımız rawajına qosatugın úlesin kúsheytiw máselelerine toqtaldı.