Xalq deputatlari Shirin shahar Kengashi deputati Ulug‘bek Normatov 4-son umumta’lim maktabida bo‘lib, sport inshootlarining holati hamda yoshlarning yozgi ta’til davrida bo‘sh vaqtini mazmunli va samarali tashkil etishga qaratilgan to‘garaklar faoliyati bilan tanishdi.

Tashrif davomida maktab hududidagi sport maydonchalari va mavjud infratuzilmaning holati ko‘zdan kechirildi. Shuningdek, o‘quvchilarning yozgi ta’til vaqtida turli to‘garaklar va foydali mashg‘ulotlarga jalb etilishi bo‘yicha amalga oshirilayotgan ishlar o‘rganildi.

Yoshlarning bo‘sh vaqtini mazmunli tashkil etish, ularni sportga, ilm-fanga va ijodiy faoliyatga keng jalb etish sog‘lom va barkamol avlodni voyaga yetkazishning muhim omillaridan biri hisoblanadi.

Bu boradagi ishlarning samaradorligini oshirish hamda mavjud imkoniyatlardan yanada unumli foydalanish yuzasidan tegishli tavsiyalar berildi.