🇺🇿Xalq deputatlari Samarqand viloyati Kengashida senator B. Abdullayev ishtirokida mahalliy Kengashlarning joriy davrdagi faoliyatiga bag‘ishlangan yig‘ilish bo‘lib o‘tdi.

Yig'ilishni viloyat Kengashi kotibiyati mudiri S.Usmonov ochib berdi.

✍️Yig‘ilish davomida viloyatdagi mahalliy Kengashlar tomonidan amalga oshirilgan ishlar atroflicha tahlil qilinib, erishilgan natijalar bilan bir qatorda mavjud kamchilik va muammolar ham muhokama qilindi. 

Senator B. Abdullayev Kengashlar faoliyatida deputatlik nazoratini kuchaytirish, fuqarolar murojaatlari bilan ishlash samaradorligini oshirish hamda hududlarni rivojlantirishga qaratilgan qarorlar ijrosini ta’minlash masalalariga alohida e’tibor qaratdi.

👍Ta’kidlanganidek, mahalliy Kengashlarning asosiy vazifasi – aholi manfaatlarini himoya qilish, hududlardagi dolzarb muammolarni o‘z vaqtida aniqlash va ularning yechimi yuzasidan samarali parlament nazoratini amalga oshirishdan iborat.

➡️Yig‘ilish yakunida aniqlangan kamchiliklarni bartaraf etish, deputatlik faoliyati samaradorligini oshirish hamda Kengashlar ishini yangi bosqichga olib chiqish bo‘yicha tegishli tavsiya va topshiriqlar berildi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)