Xalq deputatlari Pastdarg‘om tuman Kengashining ijtimoiy soha, sport va madaniyat masalalari bo‘yicha doimiy komissiyasining 2026-yil 13-maydagi DKQ 03-03/43-26 sonli qaroriga ko‘ra, “Fuqarolarning reproduktiv salomatligini saqlash to‘g‘risida”gi O‘RQ-528-sonli Qonun ijrosi yuzasidan o‘rganish ishlari olib borilmoqda.
Navbatdagi o‘rganish Pastdarg‘om tuman markaziy poliklinikasida tashkil etilib, unda reproduktiv salomatlikni muhofaza qilish, xotin-qizlar va yoshlar salomatligini mustahkamlash borasida amalga oshirilayotgan ishlar atroflicha ko‘rib chiqildi.
Jarayonda aholiga ko‘rsatilayotgan tibbiy xizmatlar sifati, profilaktik tadbirlarning samaradorligi, mavjud muammo va kamchiliklar tahlil qilinib, ularni bartaraf etish bo‘yicha amaliy tavsiya hamda takliflar ishlab chiqildi.
Ishchi guruh tarkibida xalq deputatlari Pastdarg‘om tuman Kengashi huzuridagi Ekspert guruhi a‘zosi X.Xaitova hamda Yoshlar maslahat guruhi a’zosi Sh.Uralov ham bor.