Xalq deputatlari Bekobod tuman Kengashiga O‘zbekiston Ekologik partiyasidan saylangan deputat S. Lyu Isfara mahallasidagi oilaviy shifokorlik punkti faoliyati bilan yaqindan tanishdi.

O‘rganish jarayonida muassasaning moddiy-texnik holati, bemorlar uchun yaratilgan sharoitlar hamda tibbiy xizmat ko‘rsatish sifati ko‘zdan kechirildi.

Shuningdek, tibbiyot muassasasining ichki va tashqi devorlarida ta’mirtalab qismlar mavjudligi aniqlanib, ushbu hududlar ko‘zdan kechirildi.

Aniqlangan kamchiliklarni bartaraf etish maqsadida muassasani ta’mirlash ishlarini tegishli dasturga kiritish yuzasidan takliflar bildirildi. Bu esa kelgusida tibbiyot maskanida yanada qulay va zamonaviy sharoitlar yaratishga xizmat qiladi.
🌱 Sifatli tibbiy xizmat va munosib sharoit — aholi salomatligining muhim omili!