Xalq deputatlari shahar Kengashi deputatlar faoliyatining eng muhim yo‘nalishlari bo‘yicha o‘zlari
saylangan hududlarda o‘rganishlar o‘tkazish bo‘yicha savolnomaning 21 bandi (hududdagi investitsiyalar bo‘yicha holati, davlat dasurlarning bajarilishi xolati) ijrosini ta’minlash maqsadida Xalq deputatlari Urganch shahar Kengashi deputatlari B.Allabergenov va R.Baltayevlar tomonidan hududlarda amalga oshirilayotgan qurilish va obodonlashtirish ishlarining borishi hamda ularning sifatli bajarilishi yuzasidan jamoatchilik nazorati izchil davom ettirilmoqda. 

Shu munosabat bilan deputatlar B.Allabergenov va R.Baltayevlar shaharning "Baynalminalchi" mahallasi hududida joylashgan Zarbuloq ko‘chasida 2025-yil manzilli dasturi doirasida amalga oshirilgan ishlar yakuni joyiga chiqqan holda o‘rganildi. 

O‘rganish jarayonida mazkur ko‘chada bajarilgan qurilish-ta’mirlash ishlarining sifati, aholi uchun yaratilgan qulayliklar hamda ob’ektning amaldagi holati tahlil qilindi. Shuningdek, mahalla fuqarolari bilan muloqot qilinib, ularning fikr va takliflari tinglandi.