📍 Xalq deputatlari Qiziriq tuman Kengashi kotibiyati mudiri K.Muhammadiyev tomonidan “Takiya ota” ziyoratgohida infratuzilma loyihasi ijrosi deputatlik nazorati doirasida o‘rganildi

O‘zbekiston Respublikasi Prezidentining 2025-yil 24-dekabrdagi “Surxondaryo viloyatining salohiyati va imkoniyatlaridan to‘liq foydalanish bo‘yicha qo‘shimcha chora-tadbirlari to‘g‘risida”gi PQ–386-son qarori ijrosini ta’minlash maqsadida Qiziriq tumanidagi “Takiya ota” ziyoratgohini zarur infratuzilma bilan ta’minlash bo‘yicha amalga oshirilayotgan ishlar joyiga chiqib o‘rganildi.

O‘rganish davomida hududda olib borilayotgan qurilish-ta’mirlash ishlari, infratuzilma obyektlarining holati, qurilish sifati, belgilangan vazifalarning ijrosi hamda tashrif buyuruvchilar uchun yaratilayotgan sharoitlar ko‘zdan kechirildi.

Shuningdek, mas’ullar bilan mavjud holat yuzasidan muhokama o‘tkazilib, aniqlangan masalalarni o‘z vaqtida bartaraf etish, ishlar sifatini oshirish hamda belgilangan muddatlarda yakunlash yuzasidan tegishli tavsiya va takliflar bildirildi.

O‘rganish yakunlari bo‘yicha mazkur loyiha ijrosi yuzasidan deputatlik nazorati davom ettirilishi hamda amalga oshirilayotgan ishlarning sifati va muddatlariga alohida e’tibor qaratilishi belgilandi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram

#K_Muhammadiyev