Doimiy komissiya yig'ilishi bo'lib o'tdi.

Bugun xalq deputatlari Uzun tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi videoaloqa (video chat) shaklida bo‘lib o‘tdi.
Yig‘ilish kun tartibidagi asosiy masala — O‘zbekiston Respublikasi Prezidentining 2025-yil 30-yanvardagi PF-17-sonli Farmoni ijrosini ta’minlashga qaratildi.

Xususan, mazkur Farmonga asosan tuman hokimligi huzurida tashkil etilgan “Infratuzilma va ijtimoiy barqarorlik” jamg‘armasi mablag‘larini samarali va maqsadli yo‘naltirish masalalari deputatlar hamda soha mas’ullari ishtirokida masofadan turib, jonli muloqot formatida atroflicha muhokama qilindi.

Onlayn muloqot davomida deputatlar tomonidan jamg‘arma mablag‘larini birinchi navbatda tumandagi eng dolzarb muammolarni hal etishga yo‘naltirish zarurligi alohida ta’kidlandi:

Ichki yo‘llar va kommunikatsiya: Mahallalardagi ichki yo‘llarni ta’mirlash va infratuzilmani yaxshilash;

Ijtimoiy soha obyektlari: Maktab, bog‘cha va tibbiyot maskanlarining moddiy-texnik bazasini mustahkamlash;

Ijtimoiy barqarorlik: Aholi hayot sifatini oshirishga qaratilgan manzilli loyihalarni moliyalashtirish.