Búgin Taxtakópir rayonı hákimligi, rayonlıq IIB hám Ádillik bóliminiń baslaması menen "Ádillik seyili" hám "Social profilaktika hápteligi" sheńberinde salamat turmıs tárizin úgit-násiyatlaw maqsetinde «Salamat turmıs tárizi ushın - 5000 qádem» hámde "Biz náshebentlikke qarsımız" súreni astında ǵalabalıq júriw marafonı shólkemlestirildi.

17-sanlı Balalar muzıka hám kórkem-óner mektebi janınan baslanǵan ǵalabalıq júriw marafonına nuranıylar, máhálle belsendileri, deputatlar, mámleketlik shólkemlerde jumıs islewshi xızmetkerler hám jaslardan quralǵan 300 den aslam belsendiler qatnastı.

Ilaj dawamında marafon qatnasıwshıları rayon aymaǵındaǵı «Dáwqara» stadionında azańǵı dene shınıǵıwların orınladı.