🏫 Xalq deputatlari Shovot tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi G.Dosova hamda kotibiyat xodimi U.Ruzmetov komissiya a’zolari bilan birgalikda tumandagi Yangiobod mahallasida joylashgan 27-son umumta’lim maktabida navbatdagi monitoring ishlarini olib bordi.
🍽 Monitoring davomida O‘zbekiston Respublikasi Vazirlar Mahkamasining 472-sonli qarori ijrosi, umumiy o‘rta ta’lim muassasalarida sog‘lom ovqatlantirish tizimini tashkil etish holati, oshxona faoliyati, taomlar sifati, sanitariya-gigiyena talablari hamda o‘quvchilar uchun yaratilgan sharoitlar o‘rganildi.
📋 Shuningdek, oziq-ovqat mahsulotlarini saqlash tartibi, taomnoma sifati va oshxonalardagi sanitariya holatiga alohida e’tibor qaratildi. Aniqlangan ayrim kamchiliklarni bartaraf etish yuzasidan mas’ullarga tegishli tavsiyalar berildi.
✅ Ta’lim muassasalarida sog‘lom ovqatlantirish tizimini yanada takomillashtirish, bolalar salomatligini mustahkamlash hamda sanitariya talablariga qat’iy rioya etilishini ta’minlash borasidagi monitoring ishlari izchil davom ettirilmoqda.