"Jergilikli mámleketlik hákimiyat wákillikli
uyımlarınıń jumısın 2030-jılǵa shekem rawajlandırıw koncepciyası
haqqında"ǵı Ózbekstan Respublikası Prezidentiniń Pármanında belgilengen
wazıypalarda Jergilikli Keńeslerdiń jumısınıń úzliksizligin támiyinlew, sessiyalar
aralıǵında jumıslardı nátiyjeli muwapıqlastırıw maqsetinde Keńes Prezidiumı
shólkemlestirilmekte. Prezidium quramına Keńes baslıǵı, onıń orınbasarı,
turaqlı komissiyalardıń baslıqları hám siyasiy partiyalardıń toparlarınıń
basshıları kirgiziletuǵını belgilenbekte. 

Birinshi márte jergilikli mámleketlik uyımlar hám shólkemler
basshılarınıń deputatlardıń sorawlarına juwapların tıńlawǵa qaratılǵan
"Keńes saatı" institutı engizilmekte. Onda deputatlar xalıqtı qıynap
atırǵan qıstawlı máseleler boyınsha juwapkerlerden operativ juwap alıw
imkaniyatına ie boladı. Keshiktirip bolmaytuǵın jaǵdaylarda bul másele
Prezidiumda kórip shıǵılıwı hám keyin ala sessiyada tastıyıqlanıwı múmkin. 

Senatorlardıń atap ótkenindey, bul Nızam jergilikli
hákimiyat sistemasında demokratiyalıq tıyıp turıw hám teń salmaqlılıq
mexanizmlerin qarar taptırıwda áhmietli huqıqıy tiykar bolıp esaplanadı. 

Nızamnıń qabıl etiliwi jergilikli Keńeslerdiń sociallıq
abırayın arttırıwǵa, aymaqlıq mashqalalardı sheshiwde wákillik qadaǵalawdıń tásirsheńligin
kúsheytiwge jáne mámleketlik hákimiyat sistemasında tıyıp turıw hám
turaqlılıqtı saqlaw mexanizmin bekkemlewge xızmet etedi. 

B.Matekov. 

Keńes baslıǵı