Партиянинг эл-юрт орасида катта ҳурмат-эътибор қозонган аъзолари хонадон вакиллари билан мунтазам учрашиб, ҳеч ким эътибордан четда қолмаслиги, хавотирга ўрин йўқлигини тушунтиряпти. Кутилмаган талафотдан зиён кўрган хонадонга ёрдам кўрсатиш учун маҳалладан усталар келди, қурилиш материаллари, озиқ-овқат маҳсулотлари ва кийим-кечаклар етказилмоқда.Ҳамжиҳатлик, қўллаб-қувватлаш ишлари “Саховат ва кўмак” умумхалқ ҳаракати билан уйғунлашиб кетганини ҳам алоҳида таъкидлаш керак.