Kuz-qish mavsumini betalofat, barqaror va xavfsiz o‘tkazish — muhim vazifalardan biridir. Ayniqsa, yosh avlod ta’lim-tarbiya olayotgan muassasalarda mavsumga puxta tayyorgarlik ko‘rish, isitish tizimlarining soz va samarali ishlashini ta’minlash alohida ahamiyat kasb etadi.
🇺🇿 Shu maqsadda Xalq deputatlari Parkent tumani Kengashiga 13-“Istiqbol” saylov okrugidan saylangan deputat Maxmudova Baxtinisa Zuxriddinovna tomonidan 29-sonli bolalar musiqa va san’at maktabining kuz-qish mavsumiga tayyorgarlik holati deputatlik nazorati doirasida o‘rganildi.
📌 O‘rganish jarayonida muassasaning sovuq mavsumga tayyorgarligi, xususan, isitish tizimining holati, uning mavsum davomida barqaror ishlashini ta’minlash masalalariga e’tibor qaratildi.
🔥 Zero, qish mavsumida isitish tizimlarining uzluksiz va xavfsiz faoliyat yuritishi ta’lim muassasasida o‘quvchilar hamda pedagoglar uchun zarur shart-sharoitlarni yaratishda muhim omil hisoblanadi.
📌 Ayniqsa, bolalar musiqa va san’at maktabida tahsil olayotgan o‘quvchilarning mashg‘ulotlarni qulay, iliq va xavfsiz sharoitda davom ettirishi uchun mavsumiy tayyorgarlik ishlarini oldindan puxta tashkil etish zarur.
📌 Deputatlik nazorati esa bu boradagi ishlarning o‘z vaqtida va sifatli amalga oshirilishini o‘rganish, mavjud muammolarni aniqlash hamda ularni bartaraf etishga ko‘maklashishda muhim vosita hisoblanadi.
📌 Kuz-qish mavsumida yuzaga kelishi mumkin bo‘lgan muammolarning oldini olish, ularni kelib chiqmasidan avval aniqlash va zarur choralarni ko‘rish — betalofat mavsum o‘tkazishning eng muhim shartlaridan biridir.
📌 Deputatlik nazoratining bunday shakli orqali ijtimoiy soha obyektlarida yaratilayotgan sharoitlar doimiy e’tiborda bo‘lib, fuqarolar, ayniqsa, bolalar uchun xavfsiz, qulay va munosib muhitni ta’minlashga xizmat qiladi.
❄️🔥 Kuz-qish mavsumini betalofat o‘tkazish — barchamizning umumiy vazifamiz!
✅ Issiq va xavfsiz muhit — sifatli ta’limning muhim garovi!