TOSHKENT MAHALASIDA O‘RGANISH ISHLARI OLIB BORILDI  

Xalq deputatlari Quva tuman Kengashi deputati O.Tillayeva, viloyat Kengashi
deputati M.Sayfidinova hamda kotibiyat bosh mutaxassisi M.To‘xtasinov tomonidan
Toshkent mahalla fuqarolar yig‘inida hokim yordamchisining aholi bandligini
ta’minlash va oilaviy tadbirkorlikni rivojlantirish borasidagi faoliyati
o‘rganildi. 

O‘rganish jarayonida hokim yordamchisining amaliy ko‘magida stol-stullar
ishlab chiqarishni yo‘lga qo‘ygan tadbirkor H.Ergashevning faoliyati tahlil
qilindi. 

Shuningdek, ishlab chiqarish jarayoni, yaratilgan imkoniyatlardan
foydalanish holati hamda tadbirkorlik faoliyatini kengaytirish istiqbollari
o‘rganildi. 

Tayyor mahsulotlarni ichki bozorga chiqarish va sotuv hajmini kengaytirish
bo‘yicha amalga oshirilayotgan ishlar hamda mavjud imkoniyatlar tahlil qilindi. 

O‘rganish
davomida tadbirkorlik faoliyatini yanada rivojlantirish, ishlab chiqarish
hajmini oshirish va qo‘shimcha ish o‘rinlari yaratish orqali aholi bandligini
ta’minlash masalalariga alohida e’tibor qaratildi va tavsiyalar berildi. 

Aniqlangan
masala “Deputatning ko‘cha aylanish daftari”ga qayd etildi hamda uni bartaraf
etish bo‘yicha tegishli choralar ko‘rish zarurligi belgilandi.