O‘zbekiston Respublikasi Prezidentining 2023-yil 21-dekabrdagi “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida”gi PF-209-son Farmonida belgilangan vazifalar ijrosi doirasida Xalq deputatlari Parkent tuman Kengashiga 4-“Bo‘ston” saylov okrugidan saylangan deputat Usipxodjayev Yerlan Ormanovich tomonidan o‘zi saylangan hudud — “Bo‘ston” mahallasida hokim yordamchisining faoliyati deputatlik nazorati doirasida o‘rganildi.Nazorat tadbiri davomida hokim yordamchisi Ashurov Alimardon tomonidan aholini kambag‘allikdan chiqarish, bandligini ta’minlash, daromad manbalarini kengaytirish hamda oilaviy tadbirkorlikni rivojlantirish borasida amalga oshirilayotgan ishlar yuzasidan ma’lumotlar o‘rganildi.Hokim yordamchisi tomonidan taqdim etilgan ma’lumotlarga ko‘ra, Oilaviy tadbirkorlikni rivojlantirish dasturi, “Mahalla loyihasi” hamda “Biznesga birinchi qadam” dasturlari doirasida tijorat banki bilan hamkorlikda 26 nafar fuqaroga jami 560 million so‘m miqdorida kredit mablag‘lari ajratilgan.Shuningdek, 4 nafar fuqaro kasb-hunarga o‘qitilib,vaucher asosida ta’lim olgan hamda o‘quv kurslarini muvaffaqiyatli yakunlab, tegishli sertifikatlarga ega bo‘lgan.Joriy yilning 8 oyi davomida mahallada 45 nafar fuqaro doimiy ishga joylashtirilgan, 65 nafar fuqaro esa o‘zini o‘zi band qilgan shaxs sifatida ro‘yxatdan o‘tkazilgan. Bundan tashqari, 8 nafar fuqaro uchun kichik ishlab chiqarish va xizmat ko‘rsatish yo‘nalishlarida mikroloyihalar amalga oshirilib, ularning amaliy faoliyati yo‘lga qo‘yilgan.Nazorat tadbiri yakunida aholini kambag‘allikdan chiqarish, bandligini ta’minlash va tadbirkorlik tashabbuslarini qo‘llab-quvvatlash borasidagi ishlarni izchil davom ettirish, shuningdek, ajratilgan kredit mablag‘laridan maqsadli foydalanish hamda amalga oshirilgan mikroloyihalarning samaradorligini doimiy nazorat qilib borish yuzasidan tegishli tavsiyalar berildi.