KAMBAG‘ALLIKNI QISQARTIRISHDA MAHALLABAY ISHLASHGA USTUVOR AHAMIYAT QARATILMOQDA

“Termiz” mahallasida kambag‘allikni qisqartirish, aholi bandligini ta’minlash va ijtimoiy qo‘llab-quvvatlash borasida amalga oshirilayotgan ishlar o‘rganildi.

Termiz tumani hokimi Shuxrat Kalandarov rahbarligida mahallaga biriktirilgan mas’ullar, mahalla yettiligi a’zolari hamda14-Surxon saylov okrugi deputati J.Taxchiyeva ishtirokida amalga oshirilgan ishlar natijalari tahlil qilinib, mavjud muammolar va ularning yechimlari muhokama qilindi.

O‘rganishlar davomida ijtimoiy reyestrga kiritilgan oilalar xonadonlariga borilib, ularning ijtimoiy-iqtisodiy holati, bandligi, daromad manbalari va mavjud muammolari o‘rganildi. Xususan, Baxtiyor Yo‘ldoshev oilasidagi muammolar joyida ko‘rib chiqildi.

Oiladagi ishsiz a’zoga santexnik xizmatlari ko‘rsatish uchun ssuda asosida zarur jihozlar ajratish, bog‘cha yoshidagi bolalarni maktabgacha ta’limga qamrab olish, to‘lovlarini qoplab berish hamda boshqa muammolarni hal etish bo‘yicha tegishli vazifalar belgilandi.

Mas’ullarga aholi murojaatlarini joyida hal etish, ishsiz fuqarolarni daromadli mehnatga jalb qilish va oilalarni kambag‘allikdan chiqarish bo‘yicha aniq hamda natijador ishlarni tashkil etish topshirildi.

📌 Asosiy e’tibor — har bir oilaning muammosini aniqlash, uning yechimini topish va aholi turmush farovonligini oshirishga qaratilmoqda.