QONUNCHILIKNI BILISH — HUQUQIY MADANIYAT ASOSI

🇺🇿 O‘zbekiston Respublikasining “Normativ-huquqiy hujjatlar to‘g‘risida”gi Qonuni normativ-huquqiy hujjatlarni ishlab chiqish, qabul qilish, rasmiy e’lon qilish, ularning yuridik kuchi va amal qilish tartibini belgilovchi muhim huquqiy hujjatlardan biridir.

Mazkur qonunning yangi tahriri 2021-yil 20-aprelda O‘RQ-682-son bilan qabul qilingan bo‘lib, normativ-huquqiy hujjatlar ijodkorligi sohasidagi munosabatlarni tartibga soladi.

📌 Qonunning asosiy maqsadi:
🔹 normativ-huquqiy hujjat tushunchasi va turlarini belgilash;
🔹 ularning o‘zaro yuridik kuchi va nisbatini aniqlash;
🔹 hujjatlarni ishlab chiqish va qabul qilish jarayonlarini tartibga solish;
🔹 qonunchilikni tizimli va izchil rivojlantirishni ta’minlashdan iborat.

⚖️ Normativ-huquqiy hujjatlar tizimiga O‘zbekiston Respublikasi Konstitutsiyasi, qonunlar, Oliy Majlis palatalarining qarorlari, Prezident farmon va qarorlari, Vazirlar Mahkamasi qarorlari, vazirlik va idoralarning hujjatlari hamda mahalliy davlat hokimiyati organlarining qarorlari kiradi.

📖 Qonunchilikni bilish — o‘z huquq va majburiyatlarini anglash, qonun ustuvorligini ta’minlash va jamiyatda huquqiy madaniyatni yuksaltirishning muhim shartidir.