YOSHLAR BILAN ISHLASH SAMARADORLIGI — DEPUTATLIK NAZORATIDA

Xalq deputatlari Termiz tuman Kengashi 3-Nurafshon saylov okrugi deputati K. Abdullayeva hududidagi Bunyodkor MFYda mutaxassis T. Murodov tomonidan deputat mahalliy Kengash deputati faoliyatining eng muhim yo‘nalishlari bo‘yicha tavsiyalar asosida o‘rganish olib borildi.

O‘rganish davomida mahalladagi yoshlar yetakchisi tomonidan amalga oshirilayotgan tadbirlarning samaradorligi, yoshlar bilan ishlash tizimi, ularning bandligini ta’minlash hamda bo‘sh vaqtini mazmunli tashkil etish masalalariga alohida e’tibor qaratildi.

Shuningdek, yoshlarni kasb-hunarga yo‘naltirish, bandligini ta’minlash, tadbirkorlikka jalb etish va mavjud imkoniyatlardan samarali foydalanish bo‘yicha amalga oshirilayotgan ishlar tahlil qilindi.

Aniqlangan masalalar yuzasidan tegishli tavsiyalar berilib, yoshlar bilan ishlash samaradorligini yanada oshirish bo‘yicha takliflar bildirildi.