Xalq deputatlari Uchquduq tuman Kengashi kotibiyati bosh mutaxassisi M.Muhammadiyev tomonidan Mustaqillik MFYda yoshlar yetakchisi tomonidan amalga oshirilayotgan ishlar, tadbirlar samaradorligi hamda yoshlar bandligini ta’minlash borasidagi faoliyat o‘rganildi.

🔹 O‘rganish davomida mahallada yoshlar bilan ishlash, ularning muammolarini aniqlash va bandligini ta’minlash bo‘yicha amalga oshirilayotgan ishlar tahlil qilindi.

📋 Hozirgi vaqtda mahallada yoshlar o‘rtasida qayta xatlov ishlari olib borilmoqda. Xatlov natijalariga ko‘ra, 31 nafar ishsiz yosh ro‘yxati shakllantirilib, ular bilan individual ishlash, bandligini ta’minlash va mavjud imkoniyatlardan foydalanish bo‘yicha tegishli ishlar amalga oshirilmoqda.

🏃‍♂️ Shuningdek, yoshlarning bo‘sh vaqtini mazmunli tashkil etish, ularni sportga keng jalb qilish maqsadida mahallada doimiy ravishda sport musobaqalari o‘tkazib kelinmoqda.

🏆 Jumladan, “Besh tashabbus olimpiadasi” doirasida yoshlar o‘rtasida sport musobaqalari hamda kasb-hunar va san’at yo‘nalishlarida turli tadbirlar tashkil etilmoqda.

🌙 Yoshlar o‘rtasida huquqbuzarlik va jinoyatchilikning oldini olish, tungi vaqtlarda nazoratsiz yurish holatlariga yo‘l qo‘ymaslik maqsadida tungi reyd tadbirlari ham muntazam ravishda o‘tkazilmoqda.

✅ O‘rganish davomida yoshlar bilan ishlash samaradorligini yanada oshirish, ishsiz yoshlarni band qilish hamda ularning bo‘sh vaqtini mazmunli tashkil etish bo‘yicha tegishli tavsiyalar berildi.