Xalq deputatlari Jondor tumani Kengashiga 4-Dalmun saylov okrugidan saylangan deputat O.SHerov hamda tuman Kengashi kotibiyati mudiri I.Xolov hamkorligida Qazoqon mahalla fuqarolar yig‘inida saylovchilar bilan ochiq muloqot o‘tkazildi.
🔵Uchrashuv davomida fuqarolarning murojaatlari, taklif va muammolari tinglanib, ularni hal etish yuzasidan tegishli chora-tadbirlar belgilab olindi. Muloqotda aholi bilan bevosita ishlash, ularni qiynayotgan masalalarga o‘z vaqtida yechim topish hamda deputatlik nazoratini kuchaytirish muhimligi ta’kidlandi.
🔵Shuningdek, mahallada hokim yordamchilari tomonidan amalga oshirilayotgan ishlar samaradorligi atroflicha o‘rganildi. Ayniqsa, aholini kambag‘allikdan chiqarish, ishsiz fuqarolarni doimiy daromad manbaiga ega qilish, tadbirkorlik va kasb-hunarga jalb etish borasida olib borilayotgan ishlarga alohida e’tibor qaratildi.
🔵O‘rganishlar jarayonida mavjud imkoniyatlardan samarali foydalanish, ehtiyojmand oilalar bilan manzilli ishlash va ularning ijtimoiy-iqtisodiy ahvolini yaxshilash bo‘yicha mas’ullarga tegishli tavsiyalar berildi.
🔵Bunday ochiq muloqotlar aholi muammolarini joyida o‘rganish, ularning qonuniy manfaatlarini himoya qilish va mahallalarda ijtimoiy barqarorlikni ta’minlashda muhim ahamiyat kasb etadi.