Xalıq deputatları Bozataw rayonlıq Keńesi 3-sanlı «Mádiniyat» saylaw okruginen saylanǵan deputat G. Yusupova tárepinen Jaslar orayında bolıp, tiyisli taraw xızmetkerleri menen ushırastı.
Ushırasıw dawamında jaslardıń bos waqtın mazmunlı ótkeriwi, bilim hám kásip úyreniwi, óz qábiletlerin rawajlandırıwı ushın jaratılıp atırǵan imkaniyatlar haqqında pikir almasıldı.
Ásirese, Jaslar orayında jaslar ushın bilim alıw, zamanagóy kásiplerdi úyreniw, túrli kurslarǵa qatnasıw, dóretiwshilik hám intellektual qábiletlerin rawajlandırıw ushın jaratılǵan sharayatlarǵa itibar qaratıldı.

Sonday-aq, jaslardı kitap oqıwǵa tartıw, olardıń bos waqtın nátiyjeli shólkemlestiriw maqsetinde kitapxana xızmetinen keńnen paydalanıw, jańa kitaplar menen tanısıw hám bilimlerin arttırıw máseleleri de sóz etildi.

Deputat jaslardı berilip atırǵan imkaniyatlardan nátiyjeli paydalanıwǵa, kitap oqıw arqalı bilimlerin arttırıwǵa hám keleshekte jámiyetke paydalı maman bolıp jetilisiwge shaqırdı.
Bunday ushırasıwlar jaslardıń pikirin úyreniw, olardı qızıqtırǵan máselelerdi anıqlaw hám jaslar menen baylanıstı jumıslardı jáne de jetilistiriwde áhmiyetli.