INKABOD MAHALLASIDA AVTOMOBIL YO‘LI TA’MIRLANMOQDA

🚧 Xalq deputatlari tuman Kengashining 2026 yil 3 martdagi VII-20-18-8-110-K/26-sonli qarori ijrosi doirasida Inkabod mahallasi Chorbog‘ qishlog‘i – Padang qishlog‘ini bog‘lovchi avtomobil yo‘lining 0–4 kilometr qismida mukammal ta’mirlash ishlari olib borilmoqda.

🔎 Bugun xalq deputatlari viloyat Kengashi bosh mutaxassisi E.Isoqov, tuman Kengashi kotibiyati xodimlari hamda tuman Kengashi deputatlari ishtirokida mazkur hududda amalga oshirilayotgan qurilish-ta’mirlash ishlari joyiga chiqqan holda o‘rganildi.

📌 Ma’lumot uchun: loyiha doirasida avtomobil yo‘lining 2,5 kilometr qismiga asfalt yotqizish ishlari amalga oshirilishi belgilangan.
💰 Loyihaning qiymati 2 mlrd 150 mln so‘mni tashkil etadi.

✅ Mazkur ishlar mahalla aholisi uchun qulay transport infratuzilmasini yaratish, ichki yo‘llar sifatini yaxshilash hamda aholining uzog‘ini yaqin qilishga xizmat qiladi.

🤝 O‘rganish davomida qurilish ishlarining sifatli va belgilangan talablar asosida amalga oshirilishiga alohida e’tibor qaratildi.