XALIQ MÁPI BÁRSHESINEN JOQARI

⚡️ Shımbay rayonı hákimi N.Eshanov Qaraqalpaqstan Respublikası Joqarǵı Keńesi 58-sanlı “Tazajol” saylaw okruginen deputatı F.Palvanova Tazajol  awıl puqaralar jıyını aymaǵında puqaralar ushın kóshpeli qabıllaw ótkerdi.

Qabıllawdıń tiykargı maqseti aymaqtaǵı xalıqtıń máselelerin úyreniw, olardıń múrájatlarına sheshim tabıw hám turaqlı mashqalalardı  saplastırıwdan ibarat boldı. Qabıllawǵa rayondaǵı taraw basshıları, juwapker qánigeler hám jergilikli turǵınlar qatnastı.
Kóshpeli qabıllaw dawamında tómendegi áhmiyetli máseleler kórip shıǵıldı hám sheshildi:
Aymaqtaǵı elektr energiyası, turaqlı suw támiynatı hám ishki jollardıń jaǵdayın jaqsılaw, sociallıq járdem kórsetiw máseleleri sheshildi. Jergilikli jaslar hám hayallardıń bántligin támiyinlew boyınsha tapsırmalar berildi.

Qabıllaw procesinde kelip túsken múrájatlardıń  kópshiligi sol orınnıń ózinde unamlı sheshimin taptı. Rayon hákimi tárepinen tiyisli taraw basshıları hám juwapkerlerge qatań tapsırmalar berilip, orınlanıw múddetleri belgılendi.