Tuman hokimi, Xalq deputatlari Qumqo‘rg‘on tuman Kengashi deputati Farrux Xoliqov va Xalq deputatlari Qumqo‘rg‘on tuman Kengashi kotibiyati mudiri Sherzod Abdusamatov hamda tegishli mas’ullar ishtirokida og‘ir toifaga kiritilgan “Yangishahar” mahallasida aholi uchun qulay infratuzilma obyektlarini barpo etish ishlarining borishini o‘rgandi.
Loyiha doirasida:
0.5 kilometr piyodalar yo‘lakchasi qurish;
3.6 kilometr ichki yo‘llarni asfaltlash;
elektr energiyasi ta’minotini yaxshilash maqsadida 1 dona transformator va  41 dona beton ustun o‘rnatish;
3.2 kilometr yopiq elektr kabel tarmog‘ini tortish rejalashtirilgan.
Ayni paytda tasdiqlangan reja asosida 1 dona transformator va  41 dona beton ustun o‘rnatilib, 3.2 kilometr yopiq elektr kabel tarmog‘i tortilgan. Mahallaning  ichki ko‘chalariga 2.1 kilometr asfalt yotqizilgan. 0.5 kilometr piyodalar yo‘lakchasi barpo etish  ishlari amalga oshirildi.
Amalga oshirilayotgan mazkur loyihalar, avvalo, aholining kundalik turmush sharoitini yaxshilash, muhandislik-kommunikatsiya infratuzilmasini rivojlantirish va hududni zamonaviy qiyofaga keltirishga qaratilgan.