Asosan tikuvchilik yo‘nalishida faoliyat olib borayotgan korxonada 30 nafardan ziyod xotin-qiz doimiy ish bilan ta’minlangani qayd etildi. O‘rganish davomida ayollar bandligini ta’minlash, ularning daromadlarini oshirish hamda tadbirkorlik faoliyatini rivojlantirish borasidagi ishlar bilan yaqindan tanishildi.

Shuningdek, tadbirkorning korxona faoliyatini kengaytirish, ishlab chiqarish hajmini oshirish va yangi ish o‘rinlari yaratish bo‘yicha rejalari muhokama qilindi. Tadbirkorlik subyektlari uchun yaratilgan sharoitlar, mavjud muammolar va takliflar yuzasidan fikr almashildi.