Xalq deputatlari Angor tumani Kengashi raisi Qo‘zimurotov Abdusalom Javliyevich tomonidan har bir deputatning saylov okrugiga chiqib, hududdagi mavjud muammolarni o‘rganish va ularni bartaraf etish bo‘yicha amalga oshirilayotgan ishlar doirasida 8-Xo‘janqon saylov okrugida o‘rganish ishlari olib borildi.

O‘rganish davomida hududda aholini kambag‘allikdan chiqarish, ishsizlik darajasini kamaytirish, fuqarolarning bandligini ta’minlash hamda mavjud imkoniyatlardan samarali foydalanish masalalariga alohida e’tibor qaratildi.

Shuningdek, saylov okrugidagi fuqarolarning murojaatlari, bandlik bilan bog‘liq muammolari va ularni hal etish imkoniyatlari o‘rganilib, mas’ullarga tegishli vazifalar belgilab berildi.

Mazkur o‘rganishlar orqali hududlarda aholi muammolarini manzilli hal etish, fuqarolarni kambag‘allikni qisqartirish borasidagi ishlar samaradorligini oshirish maqsad qilingan.

Shundan so'ng Kengash raisi tomonidan hududni obodonligini saqlash borasidagi ishlar ham ko'zdan kechirildi.