Xalq deputatlari Qo‘qon shahar Kengashi raisi O‘.Tojieva tomonidan o‘zining saylov okrugi hududida joylashgan “Nurafshon” mahalla fuqarolar yig‘inida saylovchilar bilan uchrashuv hamda fuqarolar qabuli tashkil etildi.

Uchrashuv davomida fuqarolarning murojaatlari tinglanib, ularni qiynayotgan muammolar atroflicha o‘rganildi. Murojaatlarda ko‘tarilgan masalalarni ijobiy hal etish va fuqarolarga amaliy ko‘mak ko‘rsatish yuzasidan tegishli choralar belgilandi.

Jumladan, “Surxandaryo” ko‘chasi 28-xonadonda yashovchi fuqaro M.Ermatova oilaviy qiyinchiliklar yuzasidan murojaat qildi. Mazkur murojaat deputat tomonidan nazoratga olinib, fuqaroning holatini o‘rganish hamda mavjud imkoniyatlardan kelib chiqib, unga amaliy yordam ko‘rsatish bo‘yicha tegishli choralar belgilandi.

Xalq deputatlari Qo‘qon shahar Kengashi