Xalq deputatlari Qo‘qon shahar Kengashi raisi O‘.Tojieva tomonidan o‘zining saylov okrugi hududida joylashgan “Nurafshon” mahalla fuqarolar yig‘inida saylovchilar bilan uchrashuv hamda fuqarolar qabuli tashkil etildi.

Uchrashuv davomida fuqarolarning murojaatlari tinglanib, ularni qiynayotgan muammolarni o‘rganish, mavjud masalalarga amaliy yechim topish yuzasidan tegishli choralar belgilandi.

️Xususan, Firdavsiy ko‘chasi 12-xonadonda yashovchi fuqaro D.Shayfullayeva vasiylik masalasida murojaat qildi.

Murojaat deputat tomonidan atroflicha o‘rganilib, masalani qonunchilikda belgilangan tartibda ko‘rib chiqish hamda fuqaroning murojaatini ijobiy hal etish imkoniyatlarini o‘rganish yuzasidan tegishli choralar belgilandi.

Fuqarolarning murojaatlarini o‘z vaqtida ko‘rib chiqish, ularning qonuniy manfaatlarini himoya qilish va muammolariga amaliy yechim topish borasidagi ishlar davom ettiriladi.

Xalq deputatlari Qo‘qon shahar Kengashi