#24_másele
#5_sanlı_K_Nurlıbaev_saylaw_okrugi
#Milliy_tiklanish_demokratik_partiyası

✅ Deputat máhállede jańadan qurılıp atırǵan ishimlik suwı tarmaqları qurılıs jumısları menen tanıstı

⚡️ Shımbay rayonlıq Xalıq deputatları Keńesi sekretariat baslıǵı M.Zarikeev “Orjap” MPJ aymaǵındaǵı xalıqtı sapalı hám úzliksiz ishimlik suwı menen támiyinlew maqsetinde ámelge asırılıp atırǵan jańa ishimlik suwı tarmaqların qurıw jumısları menen jaqınnan tanıstı.

Úyreniw dawamında qurılıs jumıslarınıń búgingi jaǵdayı, suw qubırların tartıw procesi, qurılıs materiallarınıń sapası hám belgilengen múddetlerde orınlanıp atırǵan jumıslar kózden ótkerildi.

Sonday-aq, ámelge asırılıp atırǵan bul joybar juwmaqlanǵannan soń, máhálle xalqınıń taza hám sapalı ishimlik suwı menen támiyinleniwin jaqsılaw, bar mashqalalardı saplastırıw hám xalıq ushın múnásip sharayatlar jaratıwǵa xızmet etetuǵını atap ótildi.

Deputat tárepinen qurılıs jumısların sapalı hám belgilengen múddetlerde juwmaqlaw, qurılıs procesinde belgilengen talaplarǵa qatań ámel etiw boyınsha tiyisli usınıslar berildi.