#kunlik_ish_reja_ijrosi
#19_1_modda
#kotibiyat_xodimi_faoliyati
#deputat_faoliyati
#media_reja_ijrosi
#24_ta_masala

Bandixon tumanida 2,65 mlrd so‘mlik Salomatlik yo‘lagi hamda yo‘l bo‘yi xizmat ko‘rsatish loyihasi o‘rganildi

Bandixon tumanida O‘zbekiston Respublikasi Prezidentining PQ-49-sonli qaroriga muvofiq xizmatlar sohasini rivojlantirish, aholiga qulay infratuzilma sharoitlarini yaratish hamda sohlom turmush tarzini targ‘ib etish borasida tizimli ishlar olib borilmoqda.

Xalq deputatlari Bandixon tuman Kengashining 1-Bandixon saylov okrugi deputati X.Abdimo‘minov, tuman hokimining o‘rinbosari A.Doniyorov hamda Kengash kotibiyati bosh mutaxassisi E.Eshonqulov D-167 4R-100 avtomobil yo‘li bo‘yida amalga oshirilayotgan qurilish ob’ektida bo‘ldilar.

Loyiha pasportiga ko‘ra, umumiy qiymati 2,65 milliard so‘m bo‘lgan ushbu ob’ekt doirasida Bektepa, Bandixon va Saroy MFYlar hududidan o‘tuvchi yo‘l bo‘yida Salomatlik yo‘lagi, savdo va xizmat ko‘rsatish majmualari barpo etilib, quyosh panellari orqali ishlovchi tungi yoritish chiroqlari hamda dam olish o‘rindiqlari o‘rnatiladi.

O‘rganish davomida mas’ullarga qurilish-montaj ishlarini sifatli va shartnomada belgilangan muddat — 2026-yilning 11-noyabr kuniga qadar to‘liq yakunlash yuzasidan tegishli ko‘rsatma va tavsiyalar berildi.