📍 Shovot tumanidagi o‘rganishlar davomida “Paxtakor” mahallasida joylashgan “Kelajak” markazi faoliyati bilan yaqindan tanishildi.
🏢 O‘rganish jarayonida markaz binosining mavjud holati joyiga chiqqan holda ko‘zdan kechirilib, yoshlar uchun munosib va zamonaviy sharoitlar yaratish maqsadida binoni mukammal ta’mirlash zarurligi aniqlandi.
🔧 Xususan, binoning tom qismini yangilash, ichki va tashqi pardozlash ishlarini amalga oshirish, moddiy-texnik bazasini yaxshilash hamda isitish tizimidagi mavjud kamchiliklarni bartaraf etish bo‘yicha takliflar bildirildi.
🤝 O‘rganishda Oliy Majlis Qonunchilik palatasi deputatlari, Kengash Kotibiyati mudiri I. Masharipov hamda Kotibiyat bosh mutaxassisi U. Ro‘zmetov ishtirok etdilar.
🎓 Markazni zamonaviy talablar asosida ta’mirlash yoshlarning bo‘sh vaqtini mazmunli tashkil etish, ularning qiziqish va qobiliyatlarini rivojlantirish, turli to‘garak va mashg‘ulotlarga jalb etish uchun yanada qulay imkoniyatlar yaratadi.
📌 O‘rganish yakunlari bo‘yicha aniqlangan kamchiliklarni bartaraf etish, markaz faoliyati uchun zarur sharoitlarni yaxshilash hamda tegishli tashkilotlar bilan hamkorlikda amaliy choralarni ko‘rish yuzasidan takliflar bildirildi.
🌱 Yoshlar uchun yaratilgan imkoniyat — kelajak taraqqiyotiga xizmat qiladigan mustahkam poydevordir.