#_deputat_faoliyati
#_24_ta_masala
#_kotibiyat_xodimi_faoliyati
Fuqarolar murojaatlari — deputat e’tiborida

Xalq deputatlari Sariosiyo tumani Kengashining «15-Teppakchinor» saylov okrugidan saylangan deputat, tuman Kengashi kotibiyati bosh mutaxassisi N.Xamdamova «Terakzor» mahallasi Tinchlik ko‘chasida istiqomat qiluvchi fuqarolarning murojaatlarini o‘rgandi.
Uchrashuv va o‘rganish jarayonida fuqarolarning murojaatlari tinglanib, ularni qiynayotgan masalalar yuzasidan atroflicha muloqot o‘tkazildi.
Jumladan, Tinchlik ko‘chasi 98-uyda yashovchi fuqaro Qo‘chqorova Gulnoraning farzandlarini ishga joylashtirish masalasi hamda 339-uyda istiqomat qiluvchi fuqaro Mingnorov Mavlonning oilaviy biznesini rivojlantirish, tomorqa yer maydonidan samarali va unumli foydalanish borasidagi murojaatlari batafsil o‘rganildi.
Murojaatchilarga mavjud imkoniyatlar, imtiyozlar va qo‘llab-quvvatlash choralari yuzasidan tegishli tushuntirishlar berildi. Shuningdek, fuqarolar murojaatlarida ko‘tarilgan masalalarni ijobiy hal etish maqsadida mas’ul tashkilotlar va tegishli hamkorlar bilan birgalikda amalga oshiriladigan chora-tadbirlar belgilab olindi.
Deputat N.Xamdamova fuqarolarning murojaatlarini o‘rganish bilan cheklanib qolmasdan, ularning qonuniy manfaatlarini himoya qilish, muammolarini tegishli tashkilotlar bilan hamkorlikda hal etish va murojaatlar ijrosini nazoratga olish muhim vazifalardan biri ekanini ta’kidladi.
Bunday uchrashuvlar aholi bilan ochiq muloqotni yo‘lga qo‘yish, joylardagi muammolarni o‘z vaqtida aniqlash va ularni bartaraf etishda muhim ahamiyat kasb etadi.