#Haftalik_ish_reja_ijrosi
19¹-modda
🏗 BUNYODKORLIK ISHLARINING BORISHI VA SIFATI O‘RGANILDI

Xalq deputatlari Sherobod tumani Kengashi kotibiyati mudiri
O. Tursunov tomonidan 5-Guliston–Galaguzar saylov okrugi deputati O. Umarovning saylov okrugiga qarashli “Guliston” mahallasida amalga oshirilayotgan bunyodkorlik va obodonlashtirish ishlari o‘rganildi.

🏗 Jumladan, O‘zbekiston Respublikasi Prezidentining 2024-yil 28-martdagi PQ-141-son qaroriga muvofiq, Islom taraqqiyot banki ishtirokida amalga oshirilayotgan “Qishloq joylarni kompleks rivojlantirish” loyihasining 2-bosqichi doirasida “Navro‘z” hududiy bo‘limini rekonstruksiya qilish bo‘yicha olib borilayotgan qurilish-ta’mirlash va obodonlashtirish ishlari ko‘zdan kechirildi.

🔎 O‘rganish davomida qurilish ishlarining sifati, loyiha talablariga muvofiqligi, belgilangan muddatlarga rioya etilishi hamda amalga oshirilayotgan ishlarning borishi atroflicha tahlil qilindi.

🤝 Shuningdek, mas’ullar bilan loyiha ijrosining holati yuzasidan fikr almashilib, aniqlangan masalalarni bartaraf etish, ishlarni sifatli va belgilangan muddatlarda yakunlash bo‘yicha tegishli tavsiya va takliflar bildirildi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube