Mahalliy budjet, tadbirkorlikni rivojlantirish va iqtisodiy islohotlar bo‘yicha doimiy komissiyasi a’zolari hamda xalq deputatlari Angor tumani Kengashi kotibiyati mudiri M. Yarmatov tomonidan Davlat xizmatlari markazida fuqarolarga ko‘rsatilayotgan xizmatlarning sifati, qulayligi va o‘rganildi.

O‘rganish davomida fuqarolarga davlat xizmatlaridan foydalanish uchun yaratilgan shart-sharoitlar, xizmat ko‘rsatish jarayonining tezkorligi hamda navbatlarni tartibga solish tizimi ko‘zdan kechirildi. Xususan, fuqarolarning ortiqcha vaqt yo‘qotishining oldini olish maqsadida o‘rnatilgan elektron navbat olish qurilmalari va avtomatlashtirilgan xizmatlardan foydalanish imkoniyatlari bilan tanishildi.

Shuningdek, davlat xizmatlarining belgilangan tartib va tariflar asosida ko‘rsatilishi, fuqarolarga xizmatlar narxi hamda to‘lov tartiblari haqida yetarli va tushunarli ma’lumotlar berilayotgani tahlil qilindi.

O‘rganish yakunida aholiga davlat xizmatlarini yanada qulay, tezkor va shaffof tarzda ko‘rsatish, fuqarolarning murojaatlarini ortiqcha ovora qilmasdan ko‘rib chiqish hamda xizmat ko‘rsatish sifatini doimiy ravishda oshirib borish yuzasidan tegishli tavsiyalar bildirildi.