Xalq deputatlari Angor tumani Kengashi 19-Farovon saylov okrugi deputati Mamatmirzayeva Raxima tomonidan Farovon mahalla yettiligi faoliyati hamda fuqarolar murojaatlari o‘rganildi.

O‘rganish davomida mahalladagi ijtimoiy masalalar, xususan, xotin-qizlar bilan ishlash faoliyatiga alohida e’tibor qaratildi. Mahalla xotin-qizlar faoli tomonidan deputat tavsiyasiga asosan 24 ta tavsiya berilgani, bugungi kunga qadar 106 nafar xotin-qiz tegishli ro‘yxat va bazalarga kiritilgani hamda belgilangan ishlarning 75 foizi bajarilgani qayd etildi.Shuningdek, fuqarolarning murojaatlarini joyiga chiqqan holda o‘rganish maqsadida fuqaro Bekmirzayeva Saodatning murojaati deputat tomonidan ko‘rib chiqildi. Murojaatda mahalla reyestridagi oilalarni kiyim-kechak bilan ta’minlash bo‘yicha amaliy yordam so‘ralgan.Mazkur murojaat joyida o‘rganilib, tegishli mas’ullar bilan hamkorlikda masalani ijobiy hal etish yuzasidan zarur choralar belgilandi.

Mahalla va deputat hamkorligi — fuqarolar murojaatlarini o‘z vaqtida o‘rganish, muammolarni joyida aniqlash va ularni amaliy hal etishga xizmat qiladi.