Yunusobod tumanidagi «Otchopar-1» mahallasida joylashgan 58-sonli “JASORAT” maktabida yangi o‘quv yilining boshlanishiga bag‘ishlangan «Birinchi qo‘ng‘iroq» tadbiri bo‘lib o‘tdi.

✨Bayram tadbiri o‘quvchilar, ustozlar va ota-onalar uchun unutilmas taassurotlarga boy bo‘ldi. Ayniqsa, maktab ostonasiga ilk bor qadam qo‘ygan birinchi sinf o‘quvchilarining hayajoni va quvonchi tadbirga o‘zgacha fayz bag‘ishladi.

🇺🇿Tadbirda Xalq deputatlari Yunusobod tumani Kengashi deputati Nurulla Muxsimov ishtirok etib, barcha o‘quvchilar va pedagoglarni yangi o‘quv yili bilan tabrikladi. O‘z tilaklarida yoshlarning puxta bilim olishi, zamonaviy kasblarni egallashi va kelajakda yurtimiz taraqqiyotiga munosib hissa qo‘shishi muhimligini qayd etdi.

🎁Shuningdek, Nurulla Muxsimov tomonidan maktabning ilk o‘quv yilini boshlayotgan jajji o‘quvchilarga bayram sovg‘alari topshirildi.

🔔 Ilk qo‘ng‘iroq sadosi bilan boshlangan yangi o‘quv yili barchaga ilhom, bilim, omad va yangi zafarlar olib kelsin!