Mahalliy Kengash deputatlari faoliyatining eng muhim yo‘nalishlari bo‘yicha 24 tavsiya asosida joylarda amaliy ishlar izchil davom ettirilmoqda.

Xalq deputatlari Andijon shahar Kengashi deputati Avazbek Appaqov o‘z tashabbusi bilan “Xursandlik” MFYda aholining maishiy chiqindilarini o‘z vaqtida olib chiqib ketish holatini o‘rgandi.

O‘rganish davomida hududda sanitariya va obodonlashtirish holati, maishiy chiqindilarni belgilangan muddatlarda olib chiqish jarayoni hamda chiqindi yig‘ish joylarining holati ko‘zdan kechirildi.

Shuningdek, mas’ullar bilan suhbatlashilib, hududda tozalikni ta’minlash va maishiy chiqindilarni o‘z vaqtida olib chiqib ketish bo‘yicha tegishli tavsiya va takliflar bildirildi.