“BIZ GIYOHVANDLIKKA QARSHIMIZ!”

Andijon pedagogika texnikumida Mustaqilligimizning 35 yilligi munosabati bilan “Biz giyohvandlikka qarshimiz!” chora-tadbirlari doirasida targ‘ibot tadbirlari tashkil etildi.

Xalq deputatlari Andijon shahar Kengashi deputati Dilafruz Qurbonova tashabbusi bilan pedagogika texnikumining faol ustozlari tomonidan mahallalar va aholi gavjum joylarda keng targ‘ibot ishlari olib borildi.

Tadbirlar davomida yoshlar va fuqarolarga giyohvandlikning inson salomatligi, kelajagi va jamiyatga salbiy ta’siri, uning og‘ir oqibatlari hamda oldini olish choralari haqida tushunchalar berildi.

Shuningdek, yoshlarni turli zararli illatlardan asrash, ularning bo‘sh vaqtini mazmunli tashkil etish va sog‘lom turmush tarzini keng targ‘ib qilish maqsadida maxsus tayyorlangan flayer hamda bukletlar tarqatildi.