Mustaqilligimizning 35 yilligi arafasida Andijon shahrida mahallalar infratuzilmasini yaxshilash, aholi uchun qulay va zamonaviy sharoitlar yaratishga qaratilgan ezgu ishlar izchil davom etmoqda.

Xususan, 14-Kengash saylov okrugidagi To‘qqiz ariq mahallasida zamonaviy mahalla binosi foydalanishga topshirildi.

Davlat-xususiy sheriklik asosida barpo etilgan yangi bino mahalla yettiligi faoliyati uchun barcha zarur sharoitlar bilan ta’minlangan bo‘lib, zamonaviy texnika va jihozlar bilan jihozlandi.

Uzoq yillik orzu va sa’y-harakatlarning amaliy natijasi bo‘lgan mazkur yangi bino mahalla aholisi uchun yanada sifatli va qulay xizmat ko‘rsatishga xizmat qiladi.

Yangi bino mahalla faollari, nuroniylar va keng jamoatchilik vakillari ishtirokida tantanali ravishda foydalanishga topshirildi.